천궁사경전天宮事經典 Vimānavatthupāḷi 1

천궁사경전天宮事經典 Vimānavatthupāḷi 1

對那位世尊 阿羅漢 遍正覺者禮敬

Namo tassa bhagavato arahato sammāsambuddhassa

 

小部 Khuddakanikāye

천궁사경전天宮事經典 Vimānavatthupāḷi

1. 녀자천궁女子天宮 Itthivimānaṃ

1. 의자품椅子品 Pīṭhavaggo

 

1. 의자천궁사椅子天宮事⓵ Paṭhamapīṭhavimānavatthu

1.

你的椅子是黃金作的 出色的 如心意般快速地去想要的地方 裝飾者！戴花還者！善衣服者！你如閃電照耀黑雲頂

 

‘‘Pīṭhaṃ te sovaṇṇamayaṃ uḷāraṃ, manojavaṃ gacchati yenakāmaṃ;

Alaṅkate malyadhare [mālyadhare (syā.)] suvatthe, obhāsasi vijjurivabbhakūṭaṃ.

 

2.

以什麼你有像那樣的容色？以什麼以你在這裡成功？以及你的諸財富生起：凡任何對意可愛的？

　　

‘‘Kena tetādiso vaṇṇo, kena te idha mijjhati;

Uppajjanti ca te bhogā, ye keci manaso piyā.

 

3.

天女！大威力者！我問你 生為人的你做什麼福德 以那個你有這麼輝耀的威力 以及你的容色輝耀一切方向？

 

‘‘Pucchāmi taṃ devi mahānubhāve, manussabhūtā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.

　

4.

那位悅意的天女 被目揵連詢問 被問問題者回答 凡業有這個果

 

Sā devatā attamanā, moggallānena [moggalānena (ka.) evamuparipi] pucchitā;

Pañhaṃ puṭṭhā viyākāsi, yassa kammassidaṃ phalaṃ.

 

5.

生為人的我在人間時 對到來者們施與小坐具 做合掌問訊 以及依個人力量施與布施

 

‘‘Ahaṃ manussesu manussabhūtā, abbhāgatānāsanakaṃ adāsiṃ;

Abhivādayiṃ añjalikaṃ akāsiṃ, yathānubhāvañca adāsi dānaṃ.

 

6.

以那個我有像那樣的容色 以那個以我在這裡成功 以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

 

7.

比丘！大威力者！我為你告知 生為人者凡作福德 以那個我有這麼輝耀的威力 以及我的容色輝耀一切方向

 

‘‘Akkhāmi te bhikkhu mahānubhāva, manussabhūtā yamakāsi puññaṃ;

Tenamhi evaṃ jalitānubhāvā, vaṇṇo ca me sabbadisā pabhāsatī’’ti.

 

2. 의자천궁사椅子天宮事⓶ Dutiyapīṭhavimānavatthu

8.

你的椅子是琉璃作的 出色的 如心意般快速地去想要的地方

裝飾者！戴花還者！善衣服者！你如閃電照耀黑雲頂

 

‘‘Pīṭhaṃ te veḷuriyamayaṃ uḷāraṃ, manojavaṃ gacchati yenakāmaṃ;

Alaṅkate malyadhare suvatthe, obhāsasi vijjurivabbhakūṭaṃ.

 

9.

以什麼你有像那樣的容色？以什麼以你在這裡成功？

以及你的諸財富生起：凡任何對意可愛的？

 

‘‘Kena tetādiso vaṇṇo, kena te idha mijjhati;

Uppajjanti ca te bhogā, ye keci manaso piyā.

 

10.

天女！大威力者！我問你 生為人的你做什麼福德

以那個你有這麼輝耀的威力 以及你的容色輝耀一切方向？

 

‘‘Pucchāmi taṃ devi mahānubhāve, manussabhūtā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.

 

11.

那位悅意的天女 被目揵連詢問

被問問題者回答 凡業有這個果

 

Sā devatā attamanā, moggallānena pucchitā;

Pañhaṃ puṭṭhā viyākāsi, yassa kammassidaṃ phalaṃ.

 

12.

生為人的我在人間時 對到來者們施與小坐具

做合掌問訊 以及依個人力量施與布施

 

‘‘Ahaṃ manussesu manussabhūtā, abbhāgatānāsanakaṃ adāsiṃ;

Abhivādayiṃ añjalikaṃ akāsiṃ, yathānubhāvañca adāsi dānaṃ.

 

13.

以那個我有像那樣的容色 以那個以我在這裡成功

以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

　　

14.

比丘！大威力者！我為你告知 生為人者凡作福德

以那個我有這麼輝耀的威力 以及我的容色輝耀一切方向

　

‘‘Akkhāmi te bhikkhu mahānubhāva, manussabhūtā yamakāsi puññaṃ;

Tenamhi evaṃ jalitānubhāvā, vaṇṇo ca me sabbadisā pabhāsatī’’ti.

 

3. 의자천궁사椅子天宮事⓷ Tatiyapīṭhavimānavatthu

15.

你的椅子是黃金作的 出色的 如心意般快速地去想要的地方

裝飾者！戴花還者！善衣服者！你如閃電照耀黑雲頂

 

‘‘Pīṭhaṃ te sovaṇṇamayaṃ uḷāraṃ, manojavaṃ gacchati yenakāmaṃ;

Alaṅkate malyadhare suvatthe, obhāsasi vijjurivabbhakūṭaṃ.

 

16.

以什麼你有像那樣的容色？以什麼以你在這裡成功？

以及你的諸財富生起：凡任何對意可愛的？

 

‘‘Kena tetādiso vaṇṇo, kena te idha mijjhati;

Uppajjanti ca te bhogā, ye keci manaso piyā.　　

 

17.

大威力的天女！我問你 生為人的你做什麼福德

以那個你有這麼輝耀的威力 以及你的容色輝耀一切方向？

 

‘‘Pucchāmi taṃ devi mahānubhāve, manussabhūtā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.

 

18.

那位悅意的天女 被目揵連詢問

被問問題者回答 凡業有這個果

 

Sā devatā attamanā, moggallānena pucchitā;

Pañhaṃ puṭṭhā viyākāsi, yassa kammassidaṃ phalaṃ.　

 

19.

我的少的業有這個果 以那個我有這麼輝耀的威力

生為人的我在人間時 在之前出生人的世間時

 

‘‘Appassa kammassa phalaṃ mamedaṃ [mametaṃ (ka.)], yenamhi [tenamhi (ka.)] evaṃ jalitānubhāvā;

Ahaṃ manussesu manussabhūtā, purimāya jātiyā manussaloke.

 

20.

看見離塵的比丘：明淨的 不混濁的

我施與他椅子：淨信者以自己雙手

 

‘‘Addasaṃ virajaṃ bhikkhuṃ, vippasannamanāvilaṃ;

Tassa adāsahaṃ pīṭhaṃ, pasannā sehi pāṇibhi.

 

21.

以那個我有像那樣的容色 以那個以我在這裡成功

以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

 

22.

比丘！大威力者！我為你告知 生為人者凡作福德

以那個我有這麼輝耀的威力 以及我的容色輝耀一切方向

 

‘‘Akkhāmi te bhikkhu mahānubhāva, manussabhūtā yamakāsi puññaṃ;

Tenamhi evaṃ jalitānubhāvā, vaṇṇo ca me sabbadisā pabhāsatī’’ti.

 

4. 의자천궁사椅子天宮事⓸ Catutthapīṭhavimānavatthu

23.

你的椅子是琉璃作的 出色的 如心意般快速地去想要的地方

裝飾者！戴花還者！善衣服者！你如閃電照耀黑雲頂

 

‘‘Pīṭhaṃ te veḷuriyamayaṃ uḷāraṃ, manojavaṃ gacchati yenakāmaṃ;

Alaṅkate malyadhare suvatthe, obhāsasi vijjurivabbhakūṭaṃ.

 

24.

以什麼你有像那樣的容色？以什麼以你在這裡成功？

以及你的諸財富生起：凡任何對意可愛的？

 

‘‘Kena tetādiso vaṇṇo, kena te idha mijjhati;

Uppajjanti ca te bhogā, ye keci manaso piyā.

 

25.

天女！大威力者！我問你 生為人的你做什麼福德

以那個你有這麼輝耀的威力 以及你的容色輝耀一切方向？

 

‘‘Pucchāmi taṃ devi mahānubhāve, manussabhūtā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.

 

26.

那位悅意的天女 被目揵連詢問

被問問題者回答 凡業有這個果

 

Sā devatā attamanā, moggallānena pucchitā;

Pañhaṃ puṭṭhā viyākāsi, yassa kammassidaṃ phalaṃ.

　

27.

我的少的業有這個果 以那個我有這麼輝耀的威力

生為人的我在人間時 在之前出生人的世間時

 

‘‘Appassa kammassa phalaṃ mamedaṃ, yenamhi evaṃ jalitānubhāvā;

Ahaṃ manussesu manussabhūtā, purimāya jātiyā manussaloke.

 

28.

看見離塵的比丘：明淨的 不混濁的

我施與他椅子：淨信者以自己雙手

 

‘‘Addasaṃ virajaṃ bhikkhuṃ, vippasannamanāvilaṃ;

Tassa adāsahaṃ pīṭhaṃ, pasannā sehi pāṇibhi.

 

29.

以那個我有像那樣的容色 以那個以我在這裡成功

以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

 

30.

比丘！大威力者！我為你告知 生為人者凡作福德

以那個我有這麼輝耀的威力 以及我的容色輝耀一切方向

 

‘‘Akkhāmi te bhikkhu mahānubhāva, manussabhūtā yamakāsi puññaṃ;

Tenamhi evaṃ jalitānubhāvā, vaṇṇo ca me sabbadisā pabhāsatī’’ti.

 

5. 상천궁사象天宮事 Kuñjaravimānavatthu

31.

你的象有殊勝的高度 種種寶物裝備

亮麗地 強力地 快速具足地 在空中移動

 

‘‘Kuñjaro te varāroho, nānāratanakappano;

Ruciro thāmavā javasampanno, ākāsamhi samīhati.

 

32.

有蓮的[容色] 蓮花瓣眼 持紅蓮青蓮光輝

蓮花碎末撒布的肢體 戴黃金蓮花環

 

‘‘Padumi padma [paduma… (sī. syā.) evamuparipi] pattakkhi, padmuppalajutindharo;

Padmacuṇṇābhikiṇṇaṅgo, soṇṇapokkharamāladhā [… mālavā (sī. syā.)].

 

33.

對撒布蓮的道路：蓮花瓣裝飾的 住立的 可愛的 無搖晃的 象節量地行走

 

‘‘Padumānusaṭaṃ maggaṃ, padmapattavibhūsitaṃ.

Ṭhitaṃ vaggumanugghātī, mitaṃ gacchati vāraṇo.

 

34.

當牠出發時 黃金銅鑼有喜樂聲

它們的聲音被聽聞 如在五部樂器中

 

‘‘Tassa pakkamamānassa, soṇṇakaṃsā ratissarā;

Tesaṃ suyyati nigghoso, turiye pañcaṅgike yathā.

 

35

那頭象在肩上有 裝飾的乾淨布

對大仙女眾 你以容色極照耀

 

‘‘Tassa nāgassa khandhamhi, sucivatthā alaṅkatā;

Mahantaṃ accharāsaṅghaṃ, vaṇṇena atirocasi.

 

36.

你的布施有這個果 又或還是戒？

還是合掌行為？請被問的你為我告知那個

 

‘‘Dānassa te idaṃ phalaṃ, atho sīlassa vā pana;

Atho añjalikammassa, taṃ me akkhāhi pucchitā’’ti;

　　

37.

那位悅意的天女 被目揵連詢問

被問問題者回答 凡業有這個果

 

Sā devatā attamanā, moggallānena pucchitā;

Pañhaṃ puṭṭhā viyākāsi, yassa kammassidaṃ phalaṃ.

 

38.

看見德行具足的修禪者：好於禪的善人後 我施與花撒布的 布鋪設的坐具

 

‘‘Disvāna guṇasampannaṃ, jhāyiṃ jhānarataṃ sataṃ;

Adāsiṃ pupphābhikiṇṇaṃ, āsanaṃ dussasanthataṃ.

 

39.

我以一半蓮花環 在坐具的周圍

以諸花瓣鋪上：淨信者以自己雙手

 

‘‘Upaḍḍhaṃ padmamālāhaṃ, āsanassa samantato;

Abbhokirissaṃ pattehi, pasannā sehi pāṇibhi.

 

40.

屬於那個善的業 這是我的像這樣的果：

恭敬與尊重 我被天神們尊敬

 

‘‘Tassa kammakusalassa [kammassa kusalassa (sī. pī.)], idaṃ me īdisaṃ phalaṃ;

Sakkāro garukāro ca, devānaṃ apacitā ahaṃ.

 

41.

凡確實對正解脫者們 對寂靜的梵行者們

如果淨信地施與坐具 會如我這樣歡喜

 

‘‘Yo ve sammāvimuttānaṃ, santānaṃ brahmacārinaṃ;

Pasanno āsanaṃ dajjā, evaṃ nande yathā ahaṃ.

 

42.

因此確實以自己想要 大期待者

坐具應該被施與：對持最後身者

 

‘‘Tasmā hi attakāmena [atthakāmena (ka.)], mahattamabhikaṅkhatā;

Āsanaṃ dātabbaṃ hoti, sarīrantimadhārina’’nti.

 

6. 선천궁사船天宮事⓵ Paṭhamanāvāvimānavatthu

43.

對黃金屋頂船 女人！登上後你站立 你進入蓮花池 以手摘蓮花

 

‘‘Suvaṇṇacchadanaṃ nāvaṃ, nāri āruyha tiṭṭhasi;

Ogāhasi pokkharaṇiṃ, padmaṃ [padumaṃ (sī. syā.)] chindasi pāṇinā.

 

44.

以什麼你有像那樣的容色？以什麼以你在這裡成功？

以及你的諸財富生起：凡任何對意可愛的？

　　

‘‘Kena tetādiso vaṇṇo, kena te idha mijjhati;

Uppajjanti ca te bhogā, ye keci manaso piyā.

 

45.

天女！大威力者！我問你 生為人的你做什麼福德

以那個你有這麼輝耀的威力 以及你的容色輝耀一切方向？

 

‘‘Pucchāmi taṃ devi mahānubhāve, manussabhūtā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.

 

46.

那位悅意的天女 被目揵連詢問 被問問題者回答 凡業有這個果

 

Sā devatā attamanā, moggallānena pucchitā;

Pañhaṃ puṭṭhā viyākāsi, yassa kammassidaṃ phalaṃ.

 

47.

生為人的我在人間時 在之前出生人的世間時

看見口渴的 疲憊的比丘們後 站起來後我施與飲水

 

‘‘Ahaṃ manussesu manussabhūtā, purimāya jātiyā manussaloke;

Disvāna bhikkhū tasite kilante, uṭṭhāya pātuṃ udakaṃ adāsiṃ.

 

48.

凡確實為疲憊者們 口渴者們 站起來後施與飲水

他有冷水的諸河：廣大的花環 許多白蓮

　　

‘‘Yo ve kilantāna pipāsitānaṃ, uṭṭhāya pātuṃ udakaṃ dadāti;

Sītodakā [sītodikā (sī.)] tassa bhavanti najjo, pahūtamalyā bahupuṇḍarīkā.

 

49.

諸河於一切時對他繞著走：冷水的 砂鋪設的諸河

諸芒果樹 諸沙羅樹以及諸低勒葛樹 諸閻浮樹 以及諸阿勃勒樹 諸巴吒釐樹已開花

　　

‘‘Taṃ āpagā [tamāpagā (sī. ka.)] anupariyanti sabbadā, sītodakā vālukasanthatā nadī;

Ambā ca sālā tilakā ca jambuyo, uddālakā pāṭaliyo ca phullā.

 

50.

它以土地具有形色：偉大輝耀的最勝天宮 這裡那個業有這個果報 作福德者們得到像這的

 

‘‘Taṃ bhūmibhāgehi upetarūpaṃ, vimānaseṭṭhaṃ bhusasobhamānaṃ;

Tassīdha [tasseva (syā.)] kammassa ayaṃ vipāko, etādisaṃ puññakatā [katapuññā (sī.)] labhanti.

 

51.

以那個我有像那樣的容色 以那個以我在這裡成功 以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

 

52.

比丘！大威力者！我為你告知 生為人者凡作福德

以那個我有這麼輝耀的威力 以及我的容色輝耀一切方向

 

‘‘Akkhāmi te bhikkhu mahānubhāva, manussabhūtā yamakāsi puññaṃ;

Tenamhi evaṃ jalitānubhāvā, vaṇṇo ca me sabbadisā pabhāsatī’’ti.

 

7. 선천궁사船天宮事⓶ Dutiyanāvāvimānavatthu

53.

對黃金屋頂船 女人！登上後你站立 你進入蓮花池 以手摘蓮花

 

‘‘Suvaṇṇacchadanaṃ nāvaṃ, nāri āruyha tiṭṭhasi;

Ogāhasi pokkharaṇiṃ, padmaṃ chindasi pāṇinā.

 

54.

以什麼你有像那樣的容色？以什麼以你在這裡成功？

以及你的諸財富生起：凡任何對意可愛的？

 

‘‘Kena tetādiso vaṇṇo, kena te idha mijjhati;

Uppajjanti ca te bhogā, ye keci manaso piyā.

 

55.

天女！大威力者！我問你 生為人的你做什麼福德

以那個你有這麼輝耀的威力 以及你的容色輝耀一切方向？

 

‘‘Pucchāmi taṃ devi mahānubhāve, manussabhutā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.

 

56.

那位悅意的天女 被目揵連詢問

被問問題者回答 凡業有這個果

 

Sā devatā attamanā, moggallānena pucchitā;

Pañhaṃ puṭṭhā viyākāsi, yassa kammassidaṃ phalaṃ.

 

57.

生為人的我在人間時 在之前出生人的世間時

看見口渴的 疲憊的比丘後 站起來後我施與飲水

 

‘‘Ahaṃ manussesu manussabhūtā, purimāya jātiyā manussaloke;

Disvāna bhikkhuṃ tasitaṃ kilantaṃ, uṭṭhāya pātuṃ udakaṃ adāsiṃ.

 

58.

凡確實為疲憊者 口渴者 站起來後施與飲水

他有冷水的諸河 廣大的花環 許多白蓮

 

‘‘Yo ve kilantassa pipāsitassa, uṭṭhāya pātuṃ udakaṃ dadāti;

Sītodakā tassa bhavanti najjo, pahūtamalyā bahupuṇḍarīkā.

 

59.

諸河於一切時對他繞著走：冷水的 砂鋪設的諸河

諸芒果樹 諸沙羅樹以及諸低勒葛樹 諸閻浮樹 以及諸阿勃勒樹 諸巴吒釐樹已開花

 

‘‘Taṃ āpagā anupariyanti sabbadā, sītodakā vālukasanthatā nadī;

Ambā ca sālā tilakā ca jambuyo, uddālakā pāṭaliyo ca phullā.

　

60.

它以土地具有形色：偉大輝耀的最勝天宮 這裡那個業有這個果報 作福德者們得到像這的

 

‘‘Taṃ bhūmibhāgehi upetarūpaṃ, vimānaseṭṭhaṃ bhusasobhamānaṃ;

Tassīdha kammassa ayaṃ vipāko, etādisaṃ puññakatā labhanti.

 

61.

以那個我有像那樣的容色 以那個以我在這裡成功 以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

 

62.

比丘！大威力者！我為你告知 生為人者凡作福德 以那個我有這麼輝耀的威力 以及我的容色輝耀一切方向

 

‘‘Akkhāmi te bhikkhu mahānubhāva, manussabhūtā yamakāsi puññaṃ;

Tenamhi evaṃ jalitānubhāvā, vaṇṇo ca me sabbadisā pabhāsatī’’ti.

 

8. 선천궁사船天宮事⓷ Tatiyanāvāvimānavatthu

63.

對黃金屋頂船 女人！登上後你站立 你進入蓮花池 以手摘蓮花

　　

‘‘Suvaṇṇacchadanaṃ nāvaṃ, nāri āruyha tiṭṭhasi;

Ogāhasi pokkharaṇiṃ, padmaṃ chindasi pāṇinā.

 

64.

你的諸重閣住所 等分量地被分配 輝耀地發光 到全部四方

 

‘‘Kūṭāgārā nivesā te, vibhattā bhāgaso mitā;

Daddallamānā [daddaḷhamānā (ka.)] ābhanti, samantā caturo disā.

 

65.

以什麼你有像那樣的容色？以什麼以你在這裡成功？

以及你的諸財富生起：凡任何對意可愛的？

 

‘‘Kena tetādiso vaṇṇo, kena te idha mijjhati;

Uppajjanti ca te bhogā, ye keci manaso piyā.

 

66.

天女！大威力者！我問你 生為人的你做什麼福德

以那個你有這麼輝耀的威力 以及你的容色輝耀一切方向？

 

‘‘Pucchāmi taṃ devi mahānubhāve, manussabhūtā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.

 

67.

那位悅意的天女 就被正覺者詢問 被問問題者回答 凡業有這個果

 

Sā devatā attamanā, sambuddheneva pucchitā;

Pañhaṃ puṭṭhā viyākāsi, yassa kammassidaṃ phalaṃ.

 

68.

生為人的我在人間時 在之前出生人的世間時

看見口渴的 疲憊的比丘後 站起來後我施與飲水

 

‘‘Ahaṃ manussesu manussabhūtā, purimāya jātiyā manussaloke;

Disvāna bhikkhū tasite kilante, uṭṭhāya pātuṃ udakaṃ adāsiṃ.

 

69.

凡確實為疲憊者 口渴者 站起來後施與飲水 他有冷水的諸河：廣大的花環 許多白蓮

 

‘‘Yo ve kilantāna pipāsitānaṃ, uṭṭhāya pātuṃ udakaṃ dadāti;

Sītodakā tassa bhavanti najjo, pahūtamalyā bahupuṇḍarīkā.

 

70.

諸河於一切時對他繞著走：冷水的 砂鋪設的諸河

諸芒果樹 諸沙羅樹以及諸低勒葛樹 諸閻浮樹 以及諸阿勃勒樹 諸巴吒釐樹已開花

 

‘‘Taṃ āpagā anupariyanti sabbadā, sītodakā vālukasanthatā nadī;

Ambā ca sālā tilakā ca jambuyo, uddālakā pāṭaliyo ca phullā.

 

71.

它以土地具有形色：偉大輝耀的最勝天宮 這裡那個業有這個果報 作福德者們得到像這的

 

‘‘Taṃ bhūmibhāgehi upetarūpaṃ, vimānaseṭṭhaṃ bhusasobhamānaṃ;

Tassīdha kammassa ayaṃ vipāko, etādisaṃ puññakatā labhanti.

 

72.

我的諸重閣住所 等分量地被分配 輝耀地發光 到全部四方

 

‘‘Kūṭāgārā nivesā me, vibhattā bhāgaso mitā;

Daddallamānā ābhanti, samantā caturo disā.

 

73.

以那個我有像那樣的容色 以那個以我在這裡成功 以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

 

74.

佛陀！大威力者！我為你告知 生為人者凡作福德

以那個我有這麼輝耀的威力 以及我的容色輝耀一切方向 我的這個業有這個果 為了利益-佛陀喝水

 

‘‘Akkhāmi te buddha mahānubhāva, manussabhūtā yamakāsi puññaṃ;

Tenamhi evaṃ jalitānubhāvā, vaṇṇo ca me sabbadisā pabhāsati;

Etassa kammassa phalaṃ mamedaṃ, atthāya buddho udakaṃ apāyī’’ti [apāsīti (sī. syā. pī.)]

 

9. 등천궁사燈天宮事 Dīpavimānavatthu

75.

以絕佳的容色 天神！凡你站立 照耀一切方向地 如太白星

 

‘‘Abhikkantena vaṇṇena, yā tvaṃ tiṭṭhasi devate;

Obhāsentī disā sabbā, osadhī viya tārakā.

 

76.

以什麼你有像那樣的容色？以什麼以你在這裡成功？

以及你的諸財富生起：凡任何對意可愛的？

 

‘‘Kena tetādiso vaṇṇo, kena te idha mijjhati;

Uppajjanti ca te bhogā, ye keci manaso piyā.

 

77.

以什麼你是離垢光明者 極照耀天神們？

以什麼以你的全部肢體 照耀一切方向？

 

‘‘Kena tvaṃ vimalobhāsā, atirocasi devatā [devate (bahūsu) 83 vissajjanagāthāya saṃsandetabbaṃ];

Kena te sabbagattehi, sabbā obhāsate disā.

 

78.

天女！大威力者！我問你 生為人的你做什麼福德

以那個你有這麼輝耀的威力 以及你的容色輝耀一切方向？

 

‘‘Pucchāmi taṃ devi mahānubhāve, manussabhūtā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.

 

79.

那位悅意的天女 被目揵連詢問 被問問題者回答 凡業有這個果

 

Sā devatā attamanā, moggallānena pucchitā;

Pañhaṃ puṭṭhā viyākāsi, yassa kammassidaṃ phalaṃ.

　　

80.

生為人的我在人間時 在之前出生人的世間時 在闇黑黑暗處 在非常黑暗的夜晚時 在點燈時候我施與燈

 

‘‘Ahaṃ manussesu manussabhūtā, purimāya jātiyā manussaloke;

Tamandhakāramhi timīsikāyaṃ, padīpakālamhi adāsi dīpaṃ [adaṃ padīpaṃ (sī. syā. pī.)].

 

81.

凡在闇黑黑暗處 在非常黑暗的夜晚時 在點燈時候他施與燈

出生光輝寶石天宮：廣大的花環 許多白蓮

 

‘‘Yo andhakāramhi timīsikāyaṃ, padīpakālamhi dadāti dīpaṃ;

Uppajjati jotirasaṃ vimānaṃ, pahūtamalyaṃ bahupuṇḍarīkaṃ.

 

82.

以那個我有像那樣的容色 以那個以我在這裡成功 以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

 

83.

以那個我是離垢光明者 極照耀天神們 以那個以我的全部肢體 照耀一切方向

 

‘‘Tenāhaṃ vimalobhāsā, atirocāmi devatā;

Tena me sabbagattehi, sabbā obhāsate disā.

 

84.

比丘！大威力者！我為你告知 生為人者凡作福德

以那個我有這麼輝耀的威力 以及我的容色輝耀一切方向

 

‘‘Akkhāmi te bhikkhu mahānubhāva, manussabhūtā yamakāsi puññaṃ;

Tenamhi evaṃ jalitānubhāvā, vaṇṇo ca me sabbadisā pabhāsatī’’ti.

 

10. 호마공양물천궁사胡麻供養物天宮事 Tiladakkhiṇavimānavatthu

85.

以絕佳的容色 天神！凡你站立 照耀一切方向地 如太白星

 

‘‘Abhikkantena vaṇṇena, yā tvaṃ tiṭṭhasi devate;

Obhāsentī disā sabbā, osadhī viya tārakā.

 

86.

以什麼你有像那樣的容色？以什麼以你在這裡成功？以及你的諸財富生起：凡任何對意可愛的？

 

‘‘Kena tetādiso vaṇṇo, kena te idha mijjhati;

Uppajjanti ca te bhogā, ye keci manaso piyā.

　

87.

天女！大威力者！我問你 生為人的你做什麼福德

以那個你有這麼輝耀的威力 以及你的容色輝耀一切方向？

 

‘‘Pucchāmi taṃ devi mahānubhāve, manussabhūtā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.

 

88.

那位悅意的天女 被目揵連詢問 被問問題者回答 凡業有這個果

 

Sā devatā attamanā, moggallānena pucchitā;

Pañhaṃ puṭṭhā viyākāsi, yassa kammassidaṃ phalaṃ.

 

89.

生為人的我在人間時 在之前出生人的世間時 我看見離塵的覺者：明淨的 不混濁的

 

‘Ahaṃ manussesu manussabhūtā, purimāya jātiyā manussaloke.

 

90.

接近後我無欲求地施與布施：胡麻供養物 對應該被供養的覺者：淨信者以自己雙手

 

‘‘Addasaṃ virajaṃ buddhaṃ, vippasannamanāvilaṃ;

Āsajja dānaṃ adāsiṃ, akāmā tiladakkhiṇaṃ;

Dakkhiṇeyyassa buddhassa, pasannā sehi pāṇibhi.

 

91.

以那個我有像那樣的容色 以那個以我在這裡成功 以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

 

92.

比丘！大威力者！我為你告知 生為人者凡作福德

以那個我有這麼輝耀的威力 以及我的容色輝耀一切方向

 

‘‘Akkhāmi te bhikkhu mahānubhāva, manussabhūtā yamakāsi puññaṃ;

Tenamhi evaṃ jalitānubhāvā, vaṇṇo ca me sabbadisā pabhāsatī’’ti.

 

11. 대장부충정자對丈夫忠貞者⓵ Paṭhamapatibbatāvimānavatthu

93.

諸白鷺鷥 諸孔雀與諸天鵝 諸悅耳聲音者 諸杜鵑鳥繞著到處飛

花撒布的 能被喜樂的這個天宮 有種種美麗的 男女侍奉者

 

‘‘Koñcā mayūrā diviyā ca haṃsā, vaggussarā kokilā sampatanti;

Pupphābhikiṇṇaṃ rammamidaṃ vimānaṃ, anekacittaṃ naranārisevitaṃ [naranārībhi sevitaṃ (ka.)].

 

94.

天女！大威力者！你坐在那裡：對種種形色神通做神變者 以及這些仙女到處為你 跳舞唱歌與使喜悅

 

‘‘Tatthacchasi devi mahānubhāve, iddhī vikubbanti anekarūpā;

Imā ca te accharāyo samantato, naccanti gāyanti pamodayanti ca.

 

95.

大威力者！你是天神通到達者 生為人的你做什麼福德 以那個你有這麼輝耀的威力 以及你的容色輝耀一切方向？

 

‘‘Deviddhipattāsi mahānubhāve, manussabhūtā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.

　

96.

那位悅意的天女 被目揵連詢問 被問問題者回答 凡業有這個果

 

Sā devatā attamanā, moggallānena pucchitā;

Pañhaṃ puṭṭhā viyākāsi, yassa kammassidaṃ phalaṃ.

　　

97.

生為人的我在人間時 我是對丈夫忠貞者 無二心(無其他意)者 如母親對兒子隨守護者 即使生氣的我也不說粗惡的

 

‘‘Ahaṃ manussesu manussabhūtā, patibbatānaññamanā ahosiṃ;

Mātāva puttaṃ anurakkhamānā, kuddhāpihaṃ [kuddhāpahaṃ (sī.)] nappharusaṃ avocaṃ.

 

98.

捨斷虛妄語後是在真實上住立者 在布施上喜樂者 抑制自體者 淨信心的我恭淨地施與 食物與飲料廣大的布施

 

‘‘Sacce ṭhitā mosavajjaṃ pahāya, dāne ratā saṅgahitattabhāvā;

Annañca pānañca pasannacittā, sakkacca dānaṃ vipulaṃ adāsiṃ.

 

99.

以那個我有像那樣的容色 以那個以我在這裡成功 以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

 

100.

比丘！大威力者！我為你告知 生為人者凡作福德 以那個我有這麼輝耀的威力 以及我的容色輝耀一切方向

 

‘‘Akkhāmi te bhikkhu mahānubhāva, manussabhūtā yamakāsi puññaṃ;

Tenamhi evaṃ jalitānubhāvā, vaṇṇo ca me sabbadisā pabhāsatī’’ti.

 

12. 대장부충정자對丈夫忠貞者⓶ Dutiyapatibbatāvimānavatthu

101.

對有琉璃柱 亮麗的 輝煌的 種種美麗的天宮登上後

天女！大威力者！你坐在那裡：種種(高的低的)神通做神變者 這些仙女到處為你 跳舞唱歌與使喜悅

 

‘‘Veḷuriyathambhaṃ ruciraṃ pabhassaraṃ, vimānamāruyha anekacittaṃ;

Tatthacchasi devi mahānubhāve, uccāvacā iddhi vikubbamānā;

Imā ca te accharāyo samantato, naccanti gāyanti pamodayanti ca.

　　

102.

大威力者！你是天神通到達者 生為人的你做什麼福德 以那個你有這麼輝耀的威力 以及你的容色輝耀一切方向？

 

‘‘Deviddhipattāsi mahānubhāve, manussabhūtā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.

 

103.

那位悅意的天女 被目揵連詢問 被問問題者回答 凡業有這個果

 

Sā devatā attamanā, moggallānena pucchitā;

Pañhaṃ puṭṭhā viyākāsi, yassa kammassidaṃ phalaṃ.　　

 

104.

生為人的我在人間時 我是有眼的優婆夷 我是戒絕殺生者 在世間中避開未被給與的

　　

‘‘Ahaṃ manussesu manussabhūtā, upāsikā cakkhumato ahosiṃ;

Pāṇātipātā viratā ahosiṃ, loke adinnaṃ parivajjayissaṃ.　　

 

105.

不喝酒者 不說虛妄 是已自己丈夫滿足者 淨信心的我恭淨地施與 食物與飲料廣大的布施

 

‘‘Amajjapā no ca [nāpi (syā.)] musā abhāṇiṃ [abhāsiṃ (ka.)],

sakena sāminā [sāmināva (sī.)] ahosiṃ tuṭṭhā;

Annañca pānañca pasannacittā, sakkacca dānaṃ vipulaṃ adāsiṃ.　　

 

106.

以那個我有像那樣的容色 以那個以我在這裡成功 以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

　

107.

比丘！大威力者！我為你告知 生為人者凡作福德 以那個我有這麼輝耀的威力 以及我的容色輝耀一切方向

 

‘‘Akkhāmi te bhikkhu mahānubhāva, manussabhūtā yamakāsi puññaṃ;

Tenamhi evaṃ jalitānubhāvā, vaṇṇo ca me sabbadisā pabhāsatī’’ti.

 

13. 식부천궁사媳婦天宮事⓵ Paṭhamasuṇisāvimānavatthu

108.

以絕佳的容色 天神！凡你站立 照耀一切方向地 如太白星

 

‘‘Abhikkantena vaṇṇena, yā tvaṃ tiṭṭhasi devate;

Obhāsentī disā sabbā, osadhī viya tārakā.

 

109.

以什麼你有像那樣的容色？以什麼以你在這裡成功？

以及你的諸財富生起：凡任何對意可愛的？

 

‘‘Kena tetādiso vaṇṇo, kena te idha mijjhati;

Uppajjanti ca te bhogā, ye keci manaso piyā.

 

110.

天女！大威力者！我問你 生為人的你做什麼福德

以那個你有這麼輝耀的威力 以及你的容色輝耀一切方向？

 

‘‘Pucchāmi taṃ devi mahānubhāve, manussabhūtā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.

　　

111.

那位悅意的天女 被目揵連詢問 被問問題者回答 凡業有這個果

 

Sā devatā attamanā, moggallānena pucchitā;

Pañhaṃ puṭṭhā viyākāsi, yassa kammassidaṃ phalaṃ.

 

112.

生為人的我在人間時 在公公家中是媳婦

 

‘‘Ahaṃ manussesu manussabhūtā, suṇisā ahosiṃ sasurassa gehe [ghare (syā. ka.)].

 

113.

我看見離塵的比丘：明淨的 不混濁的 我施與他餅乾：淨信者以自己雙手

施與部分[從自己得到分配]的部分的一半部分後 我在歡喜園歡喜

 

‘‘Addasaṃ virajaṃ bhikkhuṃ, vippasannamanāvilaṃ;

Tassa adāsahaṃ pūvaṃ, pasannā sehi pāṇibhi;

Bhāgaḍḍhabhāgaṃ datvāna, modāmi nandane vane.　　

 

114.

以那個我有像那樣的容色 以那個以我在這裡成功 以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

 

115.

比丘！大威力者！我為你告知 生為人者凡作福德 以那個我有這麼輝耀的威力 以及我的容色輝耀一切方向

 

‘‘Akkhāmi te bhikkhu mahānubhāva, manussabhūtā yamakāsi puññaṃ;

Tenamhi evaṃ jalitānubhāvā, vaṇṇo ca me sabbadisā pabhāsatī’’ti.

 

14. 식부천궁사媳婦天宮事⓶ Dutiyasuṇisāvimānavatthu

116.

以絕佳的容色 天神！凡你站立 照耀一切方向地 如太白星

 

‘‘Abhikkantena vaṇṇena, yā tvaṃ tiṭṭhasi devate;

Obhāsentī disā sabbā, osadhī viya tārakā.　　

 

117.

以什麼你有像那樣的容色？以什麼以你在這裡成功？

以及你的諸財富生起：凡任何對意可愛的？

 

‘‘Kena tetādiso vaṇṇo, kena te idha mijjhati;

Uppajjanti ca te bhogā, ye keci manaso piyā.　　

 

118.

天女！大威力者！我問你 生為人的你做什麼福德 以那個你有這麼輝耀的威力 以及你的容色輝耀一切方向？

 

‘‘Pucchāmi taṃ devi mahānubhāve, manussabhūtā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.

　　

119.

那位悅意的天女 被目揵連詢問 被問問題者回答 凡業有這個果

 

Sā devatā attamanā, moggallānena pucchitā;

Pañhaṃ puṭṭhā viyākāsi, yassa kammassidaṃ phalaṃ.

　　

120.

生為人的我在人間時 在公公家中是媳婦

 

‘‘Ahaṃ manussesu manussabhūtā, suṇisā ahosiṃ sasurassa gehe.

　　

121.

我看見離塵的比丘：明淨的 不混濁的 我施與他部分：淨信者以自己雙手 施與粥食物後 我在歡喜園歡喜

 

‘‘Addasaṃ virajaṃ bhikkhuṃ, vippasannamanāvilaṃ;

Tassa adāsahaṃ bhāgaṃ, pasannā sehi pāṇibhi;

Kummāsapiṇḍaṃ datvāna, modāmi nandane vane.　　

 

122.

以那個我有像那樣的容色 以那個以我在這裡成功 以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

　　

123.

比丘！大威力者！我為你告知 生為人者凡作福德 以那個我有這麼輝耀的威力 以及我的容色輝耀一切方向

 

‘‘Akkhāmi te bhikkhu mahānubhāva, manussabhūtā yamakāsi puññaṃ;

Tenamhi evaṃ jalitānubhāvā, vaṇṇo ca me sabbadisā pabhāsatī’’ti.

 

15. 울다라천궁사鬱多羅天宮事 Uttarāvimānavatthu

124.

以絕佳的容色 天神！凡你站立 照耀一切方向地 如太白星

 

‘‘Abhikkantena vaṇṇena, yā tvaṃ tiṭṭhasi devate;

Obhāsentī disā sabbā, osadhī viya tārakā.　　

 

125.

以什麼你有像那樣的容色？以什麼以你在這裡成功？以及你的諸財富生起：凡任何對意可愛的？

‘‘Kena tetādiso vaṇṇo, kena te idha mijjhati;

Uppajjanti ca te bhogā, ye keci manaso piyā.　　

 

126.

天女！大威力者！我問你 生為人的你做什麼福德 以那個你有這麼輝耀的威力 以及你的容色輝耀一切方向？

 

‘‘Pucchāmi taṃ devi mahānubhāve, manussabhūtā kimakāsi puññaṃ;

Kenāsi evaṃ jalitānubhāvā, vaṇṇo ca te sabbadisā pabhāsatī’’ti.　　

 

127.

那位悅意的天女 被目揵連詢問 被問問題者回答 凡業有這個果

 

Sā devatā attamanā, moggallānena pucchitā;

Pañhaṃ puṭṭhā viyākāsi, yassa kammassidaṃ phalaṃ.　　

 

128.

嫉妒與慳吝還有專橫 當我住家中時不存在 是無憤怒者 順從丈夫的權威者 在布薩上我是常不放逸者

 

‘‘Issā ca maccheramatho [macchariyamatho ca (ka.)] paḷāso, nāhosi mayhaṃ gharamāvasantiyā;

Akkodhanā bhattuvasānuvattinī, uposathe niccahamappamattā.　　

 

129.

在十四 十五日 與凡半月的第八日 以及神變月 善具備八支[SN.10.5]

 

‘‘Cātuddasiṃ pañcadasiṃ, yā ca

[yāva (sī. aṭṭha., ka. aṭṭha.) therīgāthāaṭṭhakathā passitabbā] pakkhassa aṭṭhamī;

Pāṭihāriyapakkhañca, aṭṭhaṅgasusamāgataṃ.　　

 

130.

我入布薩 經常在諸戒上已自制 以抑制與以分享 我住天宮

 

‘‘Uposathaṃ upavasissaṃ, sadā sīlesu saṃvutā;

Saññamā saṃvibhāgā ca, vimānaṃ āvasāmahaṃ

[āvasāmimaṃ (sī. aṭṭha., ka.) parato pana sabbatthapi ‘‘āvasāmahaṃ’’ icceva dissati].

 

131.

以殺生與以妄語 是戒絕者 抑制者 以偷盜與以通姦 以及以飲酒是遠離者

 

‘‘Pāṇātipātā viratā, musāvādā ca saññatā;

Theyyā ca aticārā ca, majjapānā ca ārakā [āratā (?)]　

　

132.

在五學處上是喜樂者 對諸聖諦是熟知者 是有眼者的 有名聲的 喬達摩的優婆夷

 

‘‘Pañcasikkhāpade ratā, ariyasaccāna kovidā;

Upāsikā cakkhumato, gotamassa yasassino.

 

133.

那個我以自己的戒 以及以名聲為有名聲者 我領受自己的福德 成為變得安樂者與無疾病者

 

‘‘Sāhaṃ sakena sīlena, yasasā ca yasassinī;

Anubhomi sakaṃ puññaṃ, sukhitā camhināmayā.

　　

134.

以那個我有像那樣的容色 以那個以我在這裡成功 以及我的諸財富生起：凡任何對意可愛的

 

‘‘Tena metādiso vaṇṇo, tena me idha mijjhati;

Uppajjanti ca me bhogā, ye keci manaso piyā.

 

135.

比丘！大威力者！我為你告知 生為人者凡作福德 以那個我有這麼輝耀的威力 以及我的容色輝耀一切方向

 

‘‘Akkhāmi te bhikkhu mahānubhāva, manussabhūtā yamahaṃ akāsiṃ;

Tenamhi evaṃ jalitānubhāvā, vaṇṇo ca me sabbadisā pabhāsatīti.

　　

136.

大德！而願你以我的名義以頭禮拜世尊的足：大德！名為鬱多羅優婆夷以頭禮拜世尊的足

大德！又這是非不可思議的：凡世尊如果在某個沙門果上記說我 世尊在一來果上記說她

 

‘‘Mama ca, bhante, vacanena bhagavato pāde sirasā vandeyyāsi – ‘uttarā nāma,

bhante, upāsikā bhagavato pāde sirasā vandatī’ti.

Anacchariyaṃ kho panetaṃ, bhante, yaṃ maṃ bhagavā aññatarasmiṃ sāmaññaphale byākareyya

[byākareyyāti (?)], taṃ bhagavā sakadāgāmiphale byākāsī’’ti.

 

16. 길서천궁사吉瑞天宮事 Sirimāvimānavatthu

137.

你的上軛的最高裝飾諸馬：口向下的 強力的 快速的 在空中行走的

以及你的化作的五百車 御車手督促的諸馬跟隨你

 

‘‘Yuttā ca te paramaalaṅkatā hayā, adhomukhā aghasigamā balī javā;

Abhinimmitā pañcarathāsatā ca te, anventi taṃ sārathicoditā hayā.

 

138.

那個你站立在裝飾的 殊勝的車上 如發光的 燃燒的 輝耀的火

殊勝身體者！最高看見者[美麗者]！我問你 為何以[天]身你接近更殊勝者(佛)呢？

 

‘‘Sā tiṭṭhasi rathavare alaṅkatā, obhāsayaṃ jalamiva joti pāvako;

Pucchāmi taṃ varatanu [varacāru (katthaci)] anomadassane, kasmā nu kāyā anadhivaraṃ upāgami.　　

 

139.

對欲最高到達者們[他化自在天]凡成為無上者 一一化作後天神們[化樂天]喜樂

從那個[天]身想要容色的仙女 來到這裡者想禮敬無更殊勝者

 

‘‘Kāmaggapattānaṃ yamāhunuttaraṃ

[… nuttarā (ka.), anuttarā (syā.)], nimmāya nimmāya ramanti devatā;

Tasmā kāyā accharā kāmavaṇṇinī, idhāgatā anadhivaraṃ namassituṃ.

　　

140.

你之前在這裡行什麼善行 以什麼-無量名聲的 完成樂的你坐(等待)？

你的神通是無比的 空中行走的 以及你的容色輝耀十方

 

‘‘Kiṃ tvaṃ pure sucaritamācarīdha [sucaritaṃ acāridha (pī.)],

Kenacchasi tvaṃ amitayasā sukhedhitā;

Iddhī ca te anadhivarā vihaṅgamā,

Vaṇṇo ca te dasa disā virocati.

　　

141.

你被天神們圍繞與恭敬 天女！從哪裡死沒的你成為來到善趣者？

或你是順從誰的言語教誡者 請你為我告知如果是佛陀的女弟子

 

‘‘Devehi tvaṃ parivutā sakkatā casi,

Kuto cutā sugatigatāsi devate;

Kassa vā tvaṃ vacanakarānusāsaniṃ,

Ācikkha me tvaṃ yadi buddhasāvikā’’ti.

　　

142.

在山與山中間被善建造的殊勝城市中 是殊勝的 吉祥國王的女侍奉者

在舞蹈 歌唱上我是善學者 在王舍城中他們感知我為吉祥

 

‘‘Nagantare nagaravare sumāpite, paricārikā rājavarassa sirimato;

Nacce gīte paramasusikkhitā ahuṃ, sirimāti maṃ rājagahe avediṃsu [avedisuṃ (?)]　

 

143.

而佛陀-仙人 人牛王 指導者為我 教導集 苦-無常性

無為苦滅-常性 以及道-這個不彎曲的 筆直的吉祥的

 

‘‘Buddho ca me isinisabho vināyako, adesayī samudayadukkhaniccataṃ;

Asaṅkhataṃ dukkhanirodhasassataṃ, maggañcimaṃ akuṭilamañjasaṃ sivaṃ.

　　

144.

我聽聞無為的不死境界：如來的 無更殊勝者的教說後

我在諸戒上成為最高善自制者 在人中殊勝的佛陀教導的法上住立者

 

‘‘Sutvānahaṃ amatapadaṃ asaṅkhataṃ, tathāgatassanadhivarassa sāsanaṃ;

Sīlesvahaṃ paramasusaṃvutā ahuṃ, dhamme ṭhitā naravarabuddhadesite [bhāsite (sī.)].

　　

145.

我知道離塵境界無為 被如來-無更殊勝者教導的後

就在那裡我到達奢摩他定(止定) 那個我就有最高的決定性

 

‘‘Ñatvānahaṃ virajapadaṃ asaṅkhataṃ, tathāgatenanadhivarena desitaṃ;

Tatthevahaṃ samathasamādhimāphusiṃ, sāyeva me paramaniyāmatā ahu.　　

 

146.

我得到不死殊勝的特質後 一向地在現觀上差別後 無懷疑的 眾人尊敬的我 體驗不少的娛樂喜樂

 

‘‘Laddhānahaṃ amatavaraṃ visesanaṃ, ekaṃsikā abhisamaye visesiya;

Asaṃsayā bahujanapūjitā ahaṃ, khiḍḍāratiṃ [khiḍḍaṃ ratiṃ (syā. pī.)] paccanubhomanappakaṃ.

　　

147.

像這樣我是不死看見的天神 如來的 無更殊勝者的女弟子

法看見者 在初果上住立者 而且入流的我沒有惡趣

 

‘‘Evaṃ ahaṃ amatadasamhi [amatarasamhi (ka.)] devatā, tathāgatassanadhivarassa sāvikā;

Dhammaddasā paṭhamaphale patiṭṭhitā, sotāpannā na ca pana matthi duggati.

　　

148.

那個我接近想禮拜無更殊勝者 以及端正的善的 喜樂的比丘們

想禮敬吉祥的沙門聚集：對吉祥的法王尊重者

 

‘‘Sā vandituṃ anadhivaraṃ upāgamiṃ, pāsādike kusalarate ca bhikkhavo;

Namassituṃ samaṇasamāgamaṃ sivaṃ, sagāravā sirimato dhammarājino.

　　

149.

看見牟尼後我是有喜悅心者 滿足者：如來 人中殊勝的應該被調御者的調御者

我禮拜切斷渴愛者 善喜樂者 指導者 最高利益的憐愍者

 

‘‘Disvā muniṃ muditamanamhi pīṇitā, tathāgataṃ naravaradammasārathiṃ;

Taṇhacchidaṃ kusalarataṃ vināyakaṃ, vandāmahaṃ paramahitānukampaka’’nti.

 

17. 미발사천궁사美髮師天宮事 Kesakārīvimānavatthu

150.

這個亮麗的 輝煌的天宮 琉璃柱常善化作的 以諸黃金樹完全遍佈的 是我的處所 業果報的發生

 

‘‘Idaṃ vimānaṃ ruciraṃ pabhassaraṃ, veḷuriyathambhaṃ satataṃ sunimmitaṃ;

Suvaṇṇarukkhehi samantamotthataṃ, ṭhānaṃ mamaṃ kammavipākasambhavaṃ.

　　

151.

在那裡之前往生的這些仙女 有十萬-以自己的業 你是有名聲的來到者 對之前的天神們閃耀地站立

 

‘‘Tatrūpapannā purimaccharā imā, sataṃ sahassāni sakena kammunā;

Tuvaṃsi ajjhupagatā yasassinī, obhāsayaṃ tiṭṭhasi pubbadevatā.

　　

152.

超越月亮後如是輝耀 如星王對群星 就像這樣你對這個仙女群 以名聲閃耀地輝耀

 

‘‘Sasī adhiggayha yathā virocati, nakkhattarājāriva tārakāgaṇaṃ;

Tatheva tvaṃ accharāsaṅgaṇaṃ [accharāsaṅgamaṃ (sī.)] imaṃ, daddallamānā yasasā virocasi.

　　

153.

最高看見者[一切肢體美麗者]！從哪裡來到後 你被往生我的這個領域呢？

對如梵天的你-與帝釋一起的三十三天天神們 我們全部以看見不滿足

 

‘‘Kuto nu āgamma anomadassane, upapannā tvaṃ bhavanaṃ mamaṃ idaṃ;

Brahmaṃva devā tidasā sahindakā, sabbe na tappāmase dassanena ta’’nti.

　　

154.

帝釋！你隨詢問我凡這個：從哪裡死沒的你已到來這裡 迦尸有名為波羅奈的城市 在那裡之前我是女美髮師

 

‘‘Yametaṃ sakka anupucchase mamaṃ,

‘kuto cutā tvaṃ idha āgatā’ti [kuto cutā idha āgatā tuvaṃ (syā.), kuto cutāya āgati tava (pī.)];

Bārāṇasī nāma puratthi kāsinaṃ, tattha ahosiṃ pure kesakārikā.

　　

155.

在佛法 僧團上淨信心者 一向地到達無懷疑者 無毀壞學處者 來到果者 在正覺法上決定者 無疾病者

 

‘‘Buddhe ca dhamme ca pasannamānasā, saṅghe ca ekantagatā asaṃsayā;

Akhaṇḍasikkhāpadā āgatapphalā, sambodhidhamme niyatā anāmayā’’ti.

　　

156.

那些我們對你大歡喜與歡迎你 以及你以法 以名聲輝耀：

在佛、法、僧團上淨信心者！一向地到達無懷疑者！

無毀壞學處者！來到果者！在正覺法上決定者！無疾病者！

 

‘‘Tantyābhinandāmase svāgatañca [sāgatañca (sī.)] te, dhammena ca tvaṃ yasasā virocasi;

Buddhe ca dhamme ca pasannamānase, saṅghe ca ekantagate asaṃsaye;

Akhaṇḍasikkhāpade āgatapphale, sambodhidhamme niyate anāmaye’’ti.

 

其攝頌

五則椅子 三則船 燈胡麻供養物

二則丈夫 媳婦二則 鬱多羅 女美髮師

以那樣被說為品

 

Tassuddānaṃ –

Pañca pīṭhā tayo nāvā, dīpatiladakkhiṇā dve;

Pati dve suṇisā uttarā, sirimā kesakārikā;

Vaggo tena pavuccatīti.